2011/01/26

Андройдтой гар утас дэмий (1)

Жил хагасын өмнө шинэ гар утас худалдаж авахаар боллоо. Би ер нь болж өгвөл нээлттэй эхийн программ хангамж ашиглахыг боддог юм. Тийм учир Ифон авахгүй харин Андройттой гар утас авъя гэж шийдэв. Нээлттэй үйлдлийн систем юм чинь хамгийн шинэ хувилбарыг өөрөө компайлдаад хуулчихна, элдэв бусын юм дутвал өөрөө нөхчихнө гэж бодсон хэрэг. Тухайн үед ердөө гуравхан төрлийн гар утас худалдаанд байлаа: HTC Dream, HTC Magic болон Samsung Galaxy I7500. Бүгд Андройд 1.5 хувилбартай. Энэ хэдээс Самсунг нь дажгүй санагдсан тул гүйж очоод авчхав. Гар утсандаа эхлээд нэлээд сэтгэл хангалуун байлаа. Программууд нь крэйшдах, заримдаа гар утас гэнэт унтрах гэх мэт алдаа зөндөө байсан болов ч хэдхэн сарын дараа Андройд 1.6 гарах юм чинь тэрийг суулгачихвал засагдчих байх гээд тоосонгүй. Гүүгл ч удалгүй Андройд 1.6 хувилбараа гаргав. Самсунг тэрийг нь утсандаа тохируулаад удахгүй тараах байх гээд хүлээлээ. Хүлээж байх хооронд Самсунг шинэ Андройд хувилбартай гар утаснууд шинээр худалдаанд гаргаж байсан болов ч харин миний Galaxy I7500 д зориулсан Андройд 1.6 байдаггүй ээ. Худалч хүнд бүтэн жил өнгөрсний дараа Самсунг миний утсанд тохирсон Андройд 1.6 гаргав. Тэгтэл одоо Гүүглэ Андройд 2.0, 2.2, 2.3 гээд шинэ хувилбарууд гаргачихсан байдаг. Самсунг харин байдаггүй ээ. Самсунгийг хүлээж ядсан зарим нэг нөхдүүд өөрсдөө Андройд 2.2-ыг Galaxy I7500-д тааруулж нөхөж эхэлдэг юм байна. Тэрийг нь суулгаж аваад удаагүй байтал утас маань бороонд нороод эвдэрчхэв. Сүүлд нь бодоод байсан чинь Самсунг шинэ утас зарж байж л ашиг олно, харин хуучин утаснууддаа шинэ Андройд хувилбарыг тохируулж тараавал Самсунгд ямар ч ашиггүй учир тэгэхгүй байгаа аж. Өнөөдрийн ашгаа бодоод ирээдүйн хэрэглэгчээ алдсан дэндүү харалган бодлого юм даа. Тэгээд уур хүрээд хавь ойрын хүмүүст Самсунг гар утас битгий аваарай гэж баахан захилаа. (Үргэлжлэл бий)

5 comments:

  1. би сүүлд гарсан Nexus One авдаг юм уу л гэж бодоод байгаашд гайгүй байлгүй дээ

    ReplyDelete
  2. Nexus S shuu dee.

    ReplyDelete
  3. Bolj ogvol Google iin Nexus One esvel S avah heregtei. Bolohgui bol HTC iin utasnuud gaigui. Busad ni bol shal demii. Ter talaar daraachiin bichlegtee todorhoi oruulnaa.

    ReplyDelete
  4. ene baagii uuruu utasaa songoson humuus chamaig songo gej heleegui bas eldev garsan aldaa ene ter bol system iin aldaa baij bolno gehdee utas n noogui chi koread heregleh yum iig mongold l hereglesen baina shd ee bas boroo bol us tengerees buuna gesen ug sh dee tegeheer n utasaa usand hiivel yaah vee ene medehgui yavsan gar baina l daa

    ReplyDelete
  5. haanahiin mal ve?

    ReplyDelete